你有几叻？

細個時候，好唔鐘意老豆老媽子啲朋友，成日講佢哋啲仔女考第几，有幾叻，有幾聰明。尤其係响過年嘅時候，肯定會听到呢個嘅仔點樣好，個個嘅女點樣勁。
個陣時嘅我唔明白點解佢哋要攞我哋几兄弟姐妹同佢哋啲仔女比，已家我明咗。
好似我女有咩嘢好過人哋嘅，我哋都會好開心，有時仲會打電話同老豆講。不過，我同哋安娣嘅分別就係，我只會講我女有几叻，絕對唔會問：＂你女有咁叻無？"

我們還是朋友嗎？

番到怡保，有時同屋企人出去吃lunch，好多時都會遇到舊朋友，有時會同佢笑下，有時會假假以睇唔到，如果佢叫我先，我就同佢笑下，完全係好被動個只。
前日，同老婆去pasar malam，遇到由細玩到大嘅朋友，啊炎，佢叫我先。
"番咗來啊？"
"係loh。" 跟住，笑下就行開咗，連老婆都無介紹到。
仲有一個又係細細個玩大嘅，啊勇，整曰都會見到佢响facebook tag 相。有一晚响屋企出邊見到佢(佢外婆嘅屋企隔我屋企幾間，以前佢係住個度),大家都係笑下打招呼就入屋咗。反而，已家我老豆同佢老豆熟，一齊唱karaoke。
人就係咁loh，分開遠咗，耐咗大多數都會變好以陌生人咁，更何況我係個d怕醜被動嘅人。希望我d舊朋友有睇我嘅blog,見到我叫下我，交換下電話；我呢，都會改變下我d死人性格。